«Urbis et Orbis. քաղաքի միկրոպատմությունը և նշանագիտությունը» բաց հասանելիությամբ գիտական գրախոսվող հանդես է։ Այն հարթակ է քաղաքային տարածքի, գեղարվեստական տեքստերում քաղաքների, տեսողական նշանագիտության ու միկրոպատմագիտական հետազոտությունների, ինչպես նաև տեսական խնդիրների քննարկման համար:

Հանդեսը հնարավորություն է ընձեռում անկախ, քննադատական և ինքնաանդրադարձման (ռեֆլեքսիվ) քննարկման համար, ուր մեծ տեղ է հատկացվում քաղաքային հետազոտություններին (urban studies), մարդաբանությանը, հասարակաբանությանը և մակրոհասարակաբանությանը, ինչպես նաև հումանիտար ու սոցիալական գիտությունների տարբեր խոսույթներում տեսողական պատկերների քննությանը:

Հրատարակության պարբերականությունը՝ տարեկան 2 համար

Հանդեսը հիմնադրվել է 2021 թվականին Հայ-ռուսական համալսարանի (Երևան, Հայաստան) կողմից:

Հանդեսն ընդունում է քաղաքին ու քաղաքային տարածքին վերաբերող մշակութային և մարդաբանական միջգիտակարգային հետազոտություններ։ Առաջին հերթին ակնկալվում են հետազոտություններ հարանշանային (կոնոտատիվ) նշանագիտության ոլորտից, խոսքային-վերխոսքային վերլուծություններ, ինչպես նաև քաղաքային տարածքի՝ «երրորդ տեղին» նվիրված ուսումնասիրություններ։